مخيم القدرات

أدلة القدرات

اختباري بعد شهر: خطة 30 يوم للقدرات من الصفر

خطة 30 يوم للقدرات من الصفر: 14 يوم تأسيس، 10 أيام تدريب، 5 أيام تسخين، والليلة اللي قبل الاختبار، بـ4 ساعات يومياً.

شهر يكفي تتأسس من الصفر وتتدرب وتسخن، بشرط 4 ساعات في اليوم. الخطة 30 يوم وثلاث خطوات: 14 يوم تأسيس بالاختصارات، 10 أيام تدريب، 5 أيام تسخين باختبارات كاملة، ثم الليلة اللي قبل الاختبار. هذي خطتي، وشرحتها كاملة في الفيديو.

كم يوم باقي، ومتى أبدأ؟

الورقي في ديسمبر 2026 من 10 إلى 14. لو باقي لك أقل من 30 يوم، خذ خطة 14 يوم أو خطة 7 أيام، ولا تشيل التسخين في أي حال.

المصدر: صفحة اختبار القدرات العامة، هيئة تقويم التعليم والتدريب — آخر تحقق 16 نوفمبر 2026

وأهم شي قبل ما تبدأ: احجز موعدك، لأن بدون موعد الجدول بيروح في مقبرة المصادر. تفاصيل التسجيل في مواعيد الورقي 1448.

كيف أقسم يومي؟

4 ساعات في اليوم على 3 جلسات. كل يوم موضوع أو موضوعين، وثلثين مجهودك للكمي وثلث على الأقل للفظي. الجلسات الثلاث:

وقتك أقل؟ لا تشيل شي من الخطة، خذ اليوم الواحد على يومين وابدأ بدري. والجدول نفسه، جدول 30 يوم، مجاني.

الخطوة 1: التأسيس (الأيام 1 إلى 14)

أول 14 يوم تتعلم الاختصارات عشان تحل أي سؤال بسرعة. القوانين المدرسية طويلة، والاختبار يبغى منك سرعة، وهذي أكبر غلطة يرتكبها طلاب الثانوية. ولسه تتعلم؟ لا تفتح أسئلة متكررة ولا أقسام، خذها حبة حبة. والكمي واللفظي متداخلين: يوم كمي، ويوم فيه لفظي، عشان ما تمل.

الفترةوش تذاكر
الأسبوع الأول (1–7)الحساب السريع (اختصار «قسمة الخطوط»)، الاستيعاب المقروء (اختصار «احصد»)، الإحصاء والرسم البياني، التناظر (اختصار «ابجد»)، الكسور (اختصار «حرب الكسور»)، النسبة (اختصار «مثلث النسبة»)، إكمال الجمل والخطأ السياقي (اختصار «اشطح»)
الأسبوع الثاني (8–14)الأسس والجذور (اختصار «جمع وطرح الاسس»)، المعادلات (اختصار «الحل بالتجريب»)، السرعة (اختصار «مثلث السرعة»)، المساحات والزوايا، وباقي عائلات مكتبة الاختصارات مع لفظي كل يوم

خلال الأسبوعين لا تختبر نفسك على اختبار كامل، باقي خطوتين.

الخطوة 2: التدريب (الأيام 15 إلى 24)

من يوم 15 إلى 24: تدريب بس، ما في شي جديد. نفس المواضيع بنفس الترتيب، يومين يومين. ثبت الاختصار، ثم الأسئلة الأكثر تكرار، ثم الأقسام بقدر ما يحتاج هدفك. هنا بس تبدأ بأسئلة الورقي السابقة وبالأسئلة اللي يغلط فيها أغلب الطلاب، وهذا اللي أسميه التدرب على الفخوخ: مثل ما تتعلم السواقة ما يكفي تعرف النظرية، لازم تتدرب. ولا تحفظ الأسئلة المتكررة بدون فهم، السؤال يجيك متغير والطريقة هي اللي تبقى معك.

الخطوة 3: التسخين (الأيام 25 إلى 29)

كل يوم اختبار محاكي كامل على ورق، ساعتين و5 دقائق.

المصدر: صفحة اختبار القدرات العامة، هيئة تقويم التعليم والتدريب — آخر تحقق 16 نوفمبر 2026

بعد كل اختبار: كل غلطة ترجعها لاختصارها، وتراجع أساسيات أضعف موضوع. التسخين مثل لاعب الكرة قبل المباراة، ما ينزل بدون تسخين. وللاختبارات استخدم المحاكاة الورقية المجانية.

اليوم 30: الليلة اللي قبل الاختبار

مراجعة خفيفة ساعة بس، جهز هويتك والقلم، وتأكد من مكان الاختبار. نام 6 إلى 8 ساعات، لا قهوة ولا شاي، ولا تسمع الكلام السلبي في القروبات، وروح بدري. تفاصيل في ليلة اختبار القدرات.

الخطوة الجاية

ابدأ اليوم 1 وسجل لنفسك اليوم اللي بدأت فيه. اقرأ طريقة +90 لتفهم ليش الخطة بثلاث خطوات، وراجع إدارة الوقت قبل التسخين. ولو تبغى تمشي الثلاثين يوم معي خطوة بخطوة، فهذا هو مخيم القدرات في 30 يوم.

الخطوات باختصار

  1. الأيام 1 إلى 14: التأسيس بالاختصارات، كمي ولفظي كل يوم
  2. الأيام 15 إلى 24: التدريب التدريجي على نفس المواضيع بنفس الترتيب
  3. الأيام 25 إلى 29: التسخين، اختبار محاكي كامل كل يوم
  4. اليوم 30: الليلة اللي قبل الاختبار، مراجعة خفيفة ونوم

أسئلة شائعة

هل شهر يكفي للقدرات من الصفر؟

يكفي تتأسس وتتدرب وتسخن بثلاث خطوات واضحة، بشرط 4 ساعات يومياً. ما أوعدك بدرجة، أوعدك بأفضل درجة تقدر عليها لو كملت الخطة.

كم ساعة أذاكر في اليوم؟

4 ساعات على 3 جلسات، ثلثين للكمي وثلث للفظي. وقتك أقل؟ خذ اليوم على يومين وابدأ بدري.

متى آخر يوم أبدأ فيه للاختبار الورقي في ديسمبر؟

لو باقي لك أقل من 30 يوم، خذ خطة 14 يوم أو خطة 7 أيام، وما تشيل التسخين.

هل أبدأ بالاختبارات الكاملة من أول الشهر؟

لا. التأسيس أول، والتدريب بعده، والاختبارات الكاملة في آخر 5 أيام. لو اختبرت وأنت لسه تتعلم، تنصدم من أول سؤال.

اقرأ أيضاً