مخيم القدرات

مقارنات واختيار الدورة

دورة قدرات لثالث ثانوي: كيف تمشيها مع التحصيلي والمدرسة؟

ثالث ثانوي يجمع القدرات والتحصيلي والمدرسة في سنة. ورقي في ديسمبر أو محوسب طول السنة: اختر موعدك أول، وبعدها الدورة اللي تخلص قبله.

في ثالث ثانوي، الدورة الصح هي اللي تخلص قبل ما يزحمك التحصيلي وآخر السنة. قدامك طريقين: الورقي في ديسمبر، مرة وحدة في السنة، أو المحوسب متى ما جهزت. فاختر موعدك أول، وبعدها اختر دورة تخلص قبله بأسبوع على الأقل، وساعاتها اليومية تمشي مع الدوام بدون ما تاكل وقت التحصيلي.

للإفصاح: أنا أحمد حجازي، مؤسس اختصارات القدرات، فخذ كلامي كرأي واحد وقارن بنفسك.

وضعك هالسنة بالتواريخ الرسمية

المصدر: صفحة اختبار القدرات العامة، هيئة تقويم التعليم والتدريب ومن صحيفة اليوم لإعلان الهيئة عن الورقي — آخر تحقق 16 نوفمبر 2026

وموعد التحصيلي شيكه من صفحة الهيئة نفسها قبل ما ترسم سنتك، لأنه هو اللي يحدد كم شهر باقي لك للقدرات.

ورقي ديسمبر ولا محوسب؟ قاعدة القرار

وضعك الحيناللي أنصحك فيه
محاكاتك قريبة من هدفك، والورقي بعد 3 أسابيعالورقي، والأسابيع الباقية محاكاة ومراجعة أخطاء
تحتاج تأسيس أكثر من شهرلا تحرق الورقي، جهز وخذ المحوسب بعد ما تجهز
تبي النتيجة بسرعة عشان تقرر تعيد ولا لاالمحوسب، لأن نتيجته خلال أيام
مرتاح مع الورق والقلم وتتلخبط من الشاشةالورقي لو جاهز، أو جهز للمحوسب بتدريب على الشاشة
التحصيلي قريب وما بديت فيهقدم القدرات على المحوسب بدري، وخل بينها وبين التحصيلي فاصل

التفصيل الكامل في ورقي ولا محوسب 1448، والتواريخ أول بأول في مواعيد الورقي 1448.

وش تطلب من دورة القدرات وأنت في ثالث ثانوي؟

  1. تاريخ نهاية يسبق موعدك. حط تاريخ آخر يوم في الدفعة جنب تاريخ اختبارك. لو الفرق أقل من أسبوع، ما فيه وقت للمحاكاة الأخيرة.
  2. ساعات تمشي مع الدوام. الدرس اللايف وقت المدرسة لازم يتسجل. واسأل كم ساعة مذاكرة في اليوم تطلب منك.
  3. تحضير للورقي لو اخترته. ورقة الإجابة والتظليل والوقت على الورق تختلف عن الشاشة. هل فيه اختبار محاكي ورقي؟
  4. تقول لك بصراحة وش تغطي. الباقات اللي تجمع القدرات والتحصيلي، عد ساعات كل واحد فيها. أحياناً القدرات تطلع جزء صغير.
  5. قياس في النص. اختبار محاكي في منتصف الدورة يقول لك هل تحجز الموعد اللي ناويه ولا تأجل.

وش الخيارات اللي قدامك؟

لو كنت مكانك، كيف أرتب السنة؟

أخلص القدرات أول، بشهر مركز، وأختبر وأنا لسه في الجو. بعدها أعطي التحصيلي وقته كامل بدون ما يكون فوق راسي اختبار ثاني. واللي يخلي بينهم فجوة، يرجع للقدرات بعد التحصيلي لو احتاج محاولة ثانية. الفرق بين الاختبارين وكيف يندمجون في القبول شرحته في القدرات والتحصيلي.

وين يجي «مخيم القدرات» لطالب ثالث ثانوي؟

مخيم القدرات خطة 30 يوم من المستوى الأول، فيها 91 اختصار، و12 ورشة لايف معي تتسجل لو صادفت الدوام، وتدريب على أكثر من 1,500 من الأسئلة الأكثر تكرار، و«الخوارزمي» اللي يدربك حسب مستواك، ومراجعات واختبارات محاكية كاملة، وتحضير للاختبار الورقي. يخلص في شهر، فيترك لك باقي السنة للتحصيلي.

ومن الدرجات اللي أرسلها لي المشتركين بأنفسهم، حسب عدد المحاولات: اللي قالوا إنها أول محاولة لهم 119 شخص، الوسيط 88، و53 منهم وصلوا 90 وفوق من أول مرة. واللي اختبروا 3 مرات أو أكثر 42 شخص، الوسيط 92.5. يعني ناس كثير وصلوا من أول محاولة، وناس ثانيين وصلوا بعد أكثر من وحدة، فلا تحمل ديسمبر أكثر من حجمه. واللي قالوا إنهم اختبروا ورقي 29، والوسيط عندهم 89. هذي مو نسبة نجاح، هي درجات أرسلوها هم. تجاربهم في قصص الورقي والمحوسب.

درجتي كطالب كانت 97 بمذاكرة شهر، وبعدها لما صرت مدرس جبت 100 في الورقي يوم 21 ديسمبر 2024، و100 في المحوسب اليوم اللي بعده، والتفاصيل في كيف جبت 100.

لمين المخيم ما يناسب؟

لو قررت إن القدرات أول، شوف تفاصيل الدفعة الجاية في صفحة المخيم.

أسئلة شائعة

ورقي ولا محوسب لطالب ثالث ثانوي؟

الورقي مرة وحدة في السنة في ديسمبر ونتيجته بعد قرابة شهر، والمحوسب متاح لك طول السنة ونتيجته خلال 3 إلى 5 أيام عمل. اختر اللي يكون فيه مستواك في المحاكاة فوق هدفك.

متى الورقي هالسنة؟

حسب الهيئة: الورقي 1448 من 10 إلى 14 ديسمبر 2026، والتسجيل المتأخر مفتوح من 1 نوفمبر، وآخر يوم تسجيل 11 ديسمبر حسب ما نقلته الصحف عن الهيئة.

أذاكر القدرات والتحصيلي مع بعض؟

لو كنت مكانك أخلص القدرات أول بخطة مركزة، وبعدها أعطي التحصيلي وقته كامل. المذاكرة المتوازية تنفع لو عندك شهور كثيرة، لكنها تبطئ الاثنين.

لو الورقي ما مشى معي؟

عندك 5 فرص في المجموع، والمحوسب متاح طول السنة، والهيئة ترسل أعلى درجة لمنصة القبول. فالورقي مو آخر فرصة.

هل مخيم القدرات يشمل التحصيلي؟

لا، المخيم للقدرات العامة فقط، فالتحصيلي يحتاج تحضير مستقل.

اقرأ أيضاً