مخيم القدرات

مقارنات واختيار الدورة

هل يوتيوب يكفي للقدرات؟ وش يعطيك ووش لازم تضيفه

يوتيوب يكفي للشرح، وما يعطيك ترتيب ولا اختبار بالوقت ولا أحد يصحح لك. جدول وش يغطيه ووش ينقصه، وطريقة تذاكر منه بخطة.

يوتيوب يكفي للشرح، وغالباً ما يكفي لحاله للدرجة. الشرح المجاني فيه اليوم ممتاز ويغطي أغلب أنواع الأسئلة، لكن ينقصه ثلاث أشياء تحسم النتيجة: ترتيب يقول لك وش تشوف اليوم، واختبار كامل بالوقت، وأحد أو شي يكشف لك أخطاءك. لو تقدر تبني هالثلاث لنفسك، يوتيوب يكفيك.

للإفصاح: أنا أحمد حجازي، مؤسس اختصارات القدرات، فخذ كلامي كرأي واحد وقارن بنفسك.

وأقولها من مكان غريب شوي: عندي قناة اختصارات القدرات على يوتيوب فيها أكثر من 335 ألف مشترك، وكلها مجانية. فأنا مستفيد لو ذاكرت منها، ومستفيد لو اشتركت في المخيم. خذ الكلام على هالأساس.

وش يسوي يوتيوب زين؟

ووين يطيح؟

المشكلة مو في المقاطع، المشكلة في الطريقة اللي نتفرج فيها. أغلب الناس يفتحون مقطع عن النسبة، وبعده المقترح عن الهندسة، وبعده واحد عن الاستيعاب، وبعد ساعتين يحسون إنهم ذاكروا كثير، والحقيقة ما حلوا ولا سؤال بأنفسهم.

جدول: وش يغطيه يوتيوب ووش تضيفه أنت

اللي تحتاجه للاختباريوتيوب يعطيك؟كيف تسده مجاناً
شرح الفكرةإيه، وبكثرةاختار قناة وحدة وكمل عليها
ترتيب المواضيعلا، المقترحات تشتتكخطة مكتوبة على مستواك قبل ما تبدأ
تدريب بعد الشرحأحياناًحل 10 أسئلة بعد كل مقطع مباشرة
اختبار كامل بالوقتلااختبار محاكي كل أسبوع بساعتين وخمس دقايق
كشف أخطائكلادفتر أخطاء تراجعه كل يوم
أحد يسألك وين وصلتلاصديق يذاكر معك، أو جدول تشيك عليه

الاختبار نفسه 125 دقيقة بدون آلة حاسبة، وفي المحوسب كل قسم له وقته وما ترجع لقسم سابق. هذا شي ما يدربك عليه أي مقطع مهما كان واضح.

المصدر: صفحة اختبار القدرات العامة، هيئة تقويم التعليم والتدريب — آخر تحقق 16 نوفمبر 2026

كيف تذاكر من يوتيوب بخطة

لو قررت تمشي مجاناً، هذي الطريقة اللي أنصح فيها:

  1. ابدأ بخطة، مو بمقطع. خذ خطتك الشخصية المجانية، أو امش على خطة 30 يوم، واكتب جنب كل يوم المقاطع اللي بتشوفها.
  2. مقطع واحد، بعده تدريب. لا تشوف مقطعين ورا بعض. شف، وقف، حل، وبعدين كمل.
  3. اقفل المقترحات. افتح المقطع من قائمة التشغيل حقتك، مو من الصفحة الرئيسية.
  4. اختبار كل أسبوع. نفس اليوم كل أسبوع، بالوقت الكامل، وسجل الرقم.
  5. قاعدة الأسبوعين. لو الرقم ما تحرك أسبوعين ورا بعض، المشكلة مو في الشرح، في الترتيب أو التدريب. هنا تفكر في شي يرتبها لك.

كيف تختار القناة اللي تمشي عليها؟

لا تقفز بين عشر قنوات. اختار وحدة بثلاث اختبارات بسيطة:

لو قناة نجحت في الثلاث، الزمها لين تخلص، وبعدها استخدم غيرها بس للأفكار اللي ما ركبت معك.

الخيارات اللي قدامك غير يوتيوب

وين يجي «مخيم القدرات»؟

المخيم هو اللي ينقص يوتيوب بالضبط: مخيم القدرات يعطيك كل يوم وش تذاكر من المستوى الأول لمدة 30 يوم، ومدرب «الخوارزمي» اللي يختار لك التدريب على قد مستواك، واختبارات محاكية كاملة، و12 ورشة لايف معي تنسجل لو فاتتك. السعر حالياً 399 ريال للدفعة ويتحدث في صفحة المخيم.

من الدرجات اللي أرسلها لي المشتركين بأنفسهم: اللي بدوا بين 60 و69 كانوا 43، والوسيط في زيادتهم 21 نقطة. واللي بدوا بين 70 و79 كانوا 45، والوسيط في آخر درجة 91. هذي أرقام أرسلوها هم، مو نسبة لكل من اشترك. اسمع أنس من 64 إلى 93، ومصطفى من 77 إلى 91، ونورة من 72 إلى 85.

درجتي كطالب كانت 97 بمذاكرة شهر، وبعدها لما صرت مدرس جبت 100 مرتين في ديسمبر 2024، والطريقة كاملة في كيف جبت 100.

لمين يوتيوب يكفي والمخيم ما يلزمه؟

ابدأ من اليوم: خذ خطتك الشخصية، وافتح أول مقطع من القناة، وحل بعده.

أسئلة شائعة

هل أقدر أجيب درجة عالية في القدرات من يوتيوب بس؟

إيه ممكن، لو أضفت لنفسك ترتيب ثابت، وتدريب بعد كل مقطع، واختبار كامل بالوقت كل أسبوع، ودفتر أخطاء. الشرح لحاله ما يكفي.

وش ينقص يوتيوب مقارنة بالدورة؟

الترتيب يوم بيوم، والاختبارات المحاكية بالوقت، وأحد يقيس تقدمك ويقول لك وش تذاكر بعدها. هذي الأشياء تقدر تبنيها لنفسك مجاناً لو انضبطت.

كيف أذاكر القدرات من يوتيوب بدون ما أتشتت؟

اختار قناة وحدة، ورتب مقاطعها على أيام قبل ما تبدأ، وحل أسئلة بعد كل مقطع مباشرة، وما تفتح المقاطع المقترحة.

متى أحتاج أدفع على دورة بدل يوتيوب؟

لما تذاكر من يوتيوب أسبوعين أو ثلاثة بانتظام ودرجتك في اختبار المستوى ما تتحرك، أو لما تلقى نفسك كل يوم تقرر من جديد وش تشوف.

هل قناة اختصارات القدرات مجانية؟

إيه، القناة مجانية بالكامل وفيها أكثر من 335 ألف مشترك، وتقدر تمشي عليها مع خطة مجانية على مستواك.

اقرأ أيضاً