مخيم القدرات

قصص وتجارب

تجربة الجوهرة في القدرات: من 76 إلى 81 (اغسطس 2024)

الجوهرة (من 76 إلى 81): «السلام عليكم ورحمة الله … واذاكر صح بالأبتدائي والمتوسط في الرياضيات وتحسفت جداً وندمت…»

البداية76
←
وصل81

هذي رسالة الجوهرة لي كما وصلتني في اغسطس 2024. الدرجة في الرسالة: من 76 إلى 81.

السلام عليكم ورحمة الله … واذاكر صح بالأبتدائي والمتوسط في الرياضيات وتحسفت جداً وندمت وبعد ماكنت اقراء كتب واتثقف وتزيد حصيلتي الغويه فتعبت جداً جداً في التأسيس والمذاكرة واول اختبار حجزته لي كان ورقي سوفت … ويوم انهيته بحمدالله جاء اختباري وما امداني اتدرب للأسف الشديد😢💔 وهذا غلط كبير سويته ابد مايصلح تختبرون بدون شيئين اساسين تأسيس وتدريب وطلعت النسبه وجبت 72 وبعدها انقطعت فتره طويله عن المذاكرة للأسف يوم جت اجازة ثاني ثانوي طالعة لثالث ثانوي شديت على نفسي وذاكرت على اخر اسبوعين من الإجازه … وجهاد كمي وذاكرت ملفات الحوت كلها للأدبي وفادتني وجاني منها كثير والحمدلله ارتفع معدلي وجبت 80 وبعدها دخلت ثالث ثانوي ولهيت مره وقلت لازم اذاكر بديت على قرابة الترم الثاني قلت بذاكر الحوت وبراجع التأسيس جاني تعب شديد وقتها ونسيت كل تأسيسي قبل وتعبي وكنت اذاكر بدون ما استفيد ولا افهم شيء لمن صرت اقراء على نفسي قران واحاول احافظ على الأذكار وادعي بديت اتحسن اللهم لك الحمد واختبرت ونزلت وجبت 76 الحمدلله على كل حال بعدين محاولتي الرابعة عرفتك أ/ أحمد حجازي ودخلت مخيم التأسيس حقك وكنت وقتها مبعد تشافيت مره من الصداع والنوم اغلب الوقت وعدم التركيز فكنت يالله يالله ماشيه وافدتني كثير كثير بس انا كنت وقتها تعبانه وفادني مكتبة القدرات تبعك وايضاً ماكنت تقصر معي ابد اي سؤال ما افهم تشرحه لي حتى يوم انتهى المخيم وافصل شيء انك خليت المخيم مفتوح 6 اشهر افادني كثير وايضاً استفدت من منصه قدرتي في ملف الهندسة شريته منهم وكانوا يشرحون لي اي شيء ما افهمه ماقصروا طبعاً جاء رمضان للأسف وانا ماذاكرت زين ولا اختبرت وانشغلت جداً بمشروع تخرج المدرسة والقدرات واشغال البيت مره كنت مضغوطه ومشتته وبعد رمضان قرب اختباري التحصيبي وانا لسى ماذكرت فصرت اذاكر قدرات وتحصيلي وتشتت وماقدرت اجمع بينهم ثم اختبرت قدرات وجبت81 هذي ارفع نسبة جبتها للاسف لاني غلطت غلط كبير ماخلصت القدرات بدري وهذا الي حصل والتحصيلي ماجبت زين لان ما امداني مره كنت اتمنى احيب بالقدرات 95+وفوق بس ماجتهدت من بدري وقدر الله وما شاء فعل فلعلي اكون لكم عظة وعبرة لكن ابشركم بفضل الله وعونه وكرمه وسعته ورحمته قُبلت بالجامعة لا تنسوني من دعواتكم)(الله يجزاك خير لو بتنزلها غط اسم الوالد والجد والعائله)

تجارب ثانية

اقرأ أيضاً