مخيم القدرات

قصص وتجارب

تجربة محمد في القدرات (ابريل 2025)

محمد: «لا، لا ما عليك أستاذ أحمد، والله إني فاهم، بيكون عليك ضغط وكذا، والواحد يجرب نفسه والله،…»

هذي رسالة صوتية أرسلها محمد، وهذا تفريغها كما قالها في ابريل 2025.

لا، لا ما عليك أستاذ أحمد، والله إني فاهم، بيكون عليك ضغط وكذا، والواحد يجرب نفسه والله، أنا يا-- أنا يوم أشارك، يوم أردت بوقتي في قدرات التحصيلي والله يجيني ضغط، بصدق. فا بس يعني لا إله إلا الله، والله إنه هو الحين حاليًا أكثر شي مو- موترني، بتقول في القدرات، القدرات صح إني أتوتر وكذا، بس والله بوجودك، بصدق بدون مجاملة، حسيت القدرات الرهاب حقها راح بصدق، فانت سبحان الله تظبط الوقت، زايد عندي جدول الله يسعدك إنت يا أرسلته علي، زايد إن الكلمات اللي هو أرسلت علي، فأنا ماني خايف القدرات، فأنا بقدر أجهز نفسي في القدرات أقوى وأقوى، بس في التحصيلي ما أعرف من وين أبدأ، يعني كأني بداية جديدة في القدرات، يعني قبل وقتها كنت في القدرات كنت زي كذا والله ماني فاهم شي، حتى الحمد لله شفت واحد من مقاطع حسيت بالراحة، فاشتركت في الدورات وكذا، فالحمد لله سبحان الله والله يعطيك ألف عافية، ما قصرت في الدورات وقاعد تعلمنا بالمعلومات. أما التحصيلي كيف أقولك، زي بداية القدرات، بس أنا بحاول أشوف لي كم-- أشوف لي معلم وكذا، بس زي ما قلت لك أستاذ أحمد، يعني حاليًا نادرًا المعلمين، يعني نادر معلمين في التحصيلي، غير اللي هو والله نسيت اسمه، يعني تشان والله هذا لخبطت في اسمه صدق شوي، اللي هو اس- باسم العالم ذاك المشهور. المهم ااه هذا سوى الدورة وكلمته قال والله خلاص اكتملت الدورة، فأنا وقتها والله يعني ما دريت إنه سوى الدورة وكذا، عشان بالك، وإن شاء الله ما، ما بعطيك، ما بطول عليك، بس يعني الله يعطيك العافية والله إنك ما قصرت، وأنا آسف إن يمكن أزعجتك أو أحرجتك بشي، لا والله إني مقدرك وكل شي، وعارف والله الواحد يجرب نفسه، إذا صار عليه ضغط من شي واحد صعب إني أحط ضغط على اثنين، يعني كلامك صح في التحصيلي مش شي سهل إنك تجيبه شي يعني بسيط، أنت أكيد تبسط الشي، فأكيد في قدرات وتحصيلي وكذا يعني تحس كذا بتكون عليك صعبة، بيكون عليك ضغط يعني. فا أنا فهمتك، الله يجزيك ألف خير يا رب، والله إنك ما قصرت، والله يعطيك ألف عافية. بس أنا عندي سؤال، وأنا والله كنت بعخذ رقم اللي هو، اللي هو رقم أخوك الله يعطيه العافية، اللي هو في اللغة الإنجليزية، لأنه في شي أرا شغل بالي، اللي هو اختبار الـ IELTS، ما أدري الـ IELTS أتوقع اسمه أو شي زي كذا، اللي هو خا- حاليًا مرة أشوف في ناس يخافون من ذا الاختبار، الحين الاختبار ذا وش فادته بالضبط؟ يعني مثلًا أنت يقوي قبولك في الجامعة أكثر، ولا بس يعني من بيدخل تخصصات قوية وكذا، ولا من بيسافر، لأني بحثت عندي في بعضهم يقول بس كلمت كم و- وبحثت يقول بس حق السفر ومن بيسافر وكذا، بس تشوف في بعضهم ما يسافرون بس يحتاجون ذا الاختبار، فتقدر تعطيني زي الفوائد يعني مثل اختبرت، وش الفوائد اللي راح أكتسبها من الاختبار الـ IELTS وكذا، إن شاء الله ما جبت العيد في الأسئلة. والله يعطيك ألف عافية يا رب.

تجارب ثانية

اقرأ أيضاً