مخيم القدرات

قصص وتجارب

تجربة فجر في القدرات (نوفمبر 2023)

فجر: «السلام عليكم ورحمة الله وبركاته، أحمد حجازي. بالنسبة للمخيم وكيف تجربتي وكيف استفدت،…»

هذي رسالة صوتية أرسلها فجر، وهذا تفريغها كما قالها في نوفمبر 2023.

السلام عليكم ورحمة الله وبركاته، أحمد حجازي. بالنسبة للمخيم وكيف تجربتي وكيف استفدت، صراحة جدًا استفدت. حسيت بعد الـ 14 يوم هذي إني أنا ماني مضغوط، وإن أنا تأسست كويس، إنه كانت كلها ساعتين وكانت من الساعة 8 للساعة 10. كمان فوق الاختبارات اللي كنت آخذها، فـ حسيت نفسي إني أنا ماني مضغوط زي أول. فهدول كان مرة يطولوا يعني، ممكن تاخد مع المذاكرة 3 ساعات أو أكثر، ومرات تطلع منها بدون فايدة يعني. لكن المخيم هذا استفدت منه وحسيت نفسي من جد متأسس، لإن دحين تعلمت الأساسيات اللي الجبر، الجبر كانت عندي مشكلة فيه، لكن من يوم ما شفت الأسئلة وزي كذا عرفت إني أنا تأسست زيادة في الجبر، وأنا أصلًا كنت أعرف الجبر نوعًا ما من اختصار الس-السؤال السخيف وزي كذا، فجدًا استفدت من هذه الدورة. وحاليًا يعني أقدر أحل نماذج لكن يعني نماذج يعني مو ذاك الحل يعني اللي يجيب درجة عالية، بس أقدر يعني أجتهد. يعني، يعني فيه أيام يكون عندي اختبار، إيش؟ أرجع أذاكر للاختبار وأقعد لين الساعة 8 أستنى الدورة عععقد التأسيس، وبعدين عالساعة 10 ونص كذا أخش أنام وزي كذا. فحسيت إنه تقسيم الوقت زي كذا خلاني ما أحس إني أنا من جد مضغوط، لإن أول كيف كنت، أول ما أرجع من المدرسة أذاكر قدرات وأذاكر الاختبار وأحل الواجبات، فكنت أحس ذاك الوقت مرة إني أنا مضغوط، يعني مرات كنت من قوة الضغط كذا أسيب كل حاجة وأروح أنام كذا عشان أ-أريح نفسي مرة واحدة، وأسيب كل حاجة وأقعد بس كذا. فـ-فـ يعني

تجارب ثانية

اقرأ أيضاً