مخيم القدرات

قصص وتجارب

تجربة منال في القدرات (نوفمبر 2023)

منال: «السلام عليكم. أنا الطالبة منال. … في البداية راح نتكلم عن المميزات اللي حبيناها في…»

هذي رسالة منال لي كما وصلتني في نوفمبر 2023.

السلام عليكم. أنا الطالبة منال. … في البداية راح نتكلم عن المميزات اللي حبيناها في المخيم. أول ميزة وهي صراحة ميزة جبار في المخيم إنه اختصر علينا وقت كثير وجهد كذلك، وكانت مدته أربعطعشر يوم بس حرفيا أربعطعشر يوم وانتهينا تأسيس لفظي وكمي. مرة مبسوطين إنه انتهينا بذي السرعة وبفضل الله ثم لأحمد حجازي الله يكتب أجره وجزاء الخير على كل اللي قدمه من شرح واختصارات. ثاني ميزة اختصاراته مرة مرة حلوة وبسيطة حتى الضرب اللي هو عقدة الكل أعطانا طرق بسيطة له والقسمة بعد. ثالث ميزة المخيم عبارة عن ورش تفاعلية وأبدًا ما تطفش وأنت تتابعه لأنه بعد كل نقطة يشرحها أو اختصار معين يعطينا سؤال عليه ويعطينا تحدي على النقاط اللي أخذناها، وبالنهاية يرسل لنا تحدي على كل شيء أخذناه اليوم. الفكرة من الموضوع كله أن الورشة ما تجيب الطفش أبدًا، لأني أنا إنسان أكره الطفش بالتعلم. أحب الأشياء اللي فيها حماس. رابع ميزة صراحة مرة حبينا اختصاراته خصوصًا في الكمي ومرة بسط لنا المعلومات ونحن كانت إحدى عقداتنا القسمة والكسور وصراحة فك لنا هذي العقدة وصارت أسهل شي في الكمي. خامس شي وهذي الميزة الحلوة كمان إن الورش كلها مسجلة، يعني لو صار شي لا قدر الله وما قدرت تدخل تقدر تلاقي الفيديوهات محفوظة عندك في المكتبة اللي هو بيرسل لك رابطها. سادس ميزة حتلاقي في المكتبة كمان تحديات غير عن اللي في الورشة نفسها بحيث إنك تقدر تتدرب أكثر وأكثر. سابع ميزة إنك تقدر تسأل أحمد أي سؤال شفته في أي مكان مو عارف تحله أو مو فاهم كيف ينحل وحيشرح لك هو بالتفصيل. الميزة الثامنة والأخيرة إنه بعد كل ورشة يرسل لنا PDF فيه كل الاختصارات اللي أخذناها في هذي الورشة بحيث إنك تقدر تراجعها وترجع لها في أي وقت تبغاه. والحين بنقول رأينا عن المخيم بشكل عام. صراحة نحنا كنا مرة مترددين هل نسجل في المخيم أو لا؟ هل بنستفيد شي أو لا؟ بعدين استخرنا واستشرنا وحسينا إنه نرتاحنا فتوكلنا على الله وسجلنا وما ندمنا أبدًا لأنها اختصرت علينا وقت طويل جدًا وجهد كذلك. وأنا صراحة حبيت شرحه في الكمي أكثر من اللفظي، ويمكن أحتاج أعيد الفيديوهات وأتدرب أكثر عشان يكون اللفظي سهل. أما بالنسبة للكمي فصراحة مرة حبيت الشرح. صراحة ما أحكي لكم استفدنا كثير كثير خصوصًا إنه كان مرتب لنا كل شي من شرح واختصارات وتدريب وتحدي كل شي ما شاء الله. والاختصارات كانت جدًا جدًا جميلة وسهلة وبسطت لنا المعلومات بشكل جدًا جميل. ما ندمنا أبدًا إننا دخلنا المخيم. شكرًا أستاذ أحمد الله يعطيك العافية ويجزاه كل الخير ويكتب أجرك على كل اللي قدمته لنا.

تجارب ثانية

اقرأ أيضاً