
الاختبار الورقي 1448 يكون من 10 إلى 14 ديسمبر 2026، وأهم ما تعرفه قبله سبعة أشياء: مين يحق له، وأين تسجل، وكيف تعامله، وفرقه عن المحوسب، وما تركز عليه، وكيف تحاكي القاعة. اختبرته مرتين بنفسي: 100 في ديسمبر 2024، و98 السنة اللي بعدها، وهذي السبعة من تجربتي.
أول شيء: إذا درجتك الحين في الخمسينات أو الستينات، هذا طبيعي. قلّ اللي يقفل من أول مرة، لكن الورقي يبغى منك تعرف هالأشياء قبل ما تدخل.
المصدر: صفحة اختبار القدرات العامة، هيئة تقويم التعليم والتدريب — آخر تحقق 16 نوفمبر 2026
1. مين يحق له يختبر الورقي؟
الورقي حالياً لطلاب ثالث ثانوي والخريجين. أما ثاني ثانوي فاختباره محوسب فقط، والمحوسب متاح طول السنة لثاني وثالث ثانوي والخريجين. إذا كنت في ثاني ثانوي، تفاصيل مسارك في ثاني ثانوي والقدرات.
المصدر: صفحة اختبار القدرات العامة، هيئة تقويم التعليم والتدريب — آخر تحقق 16 نوفمبر 2026
2. كيف أسجل في الورقي وكم الرسوم؟
التسجيل والدفع والنتائج من ملفك في «سديد»، بالدخول عبر نفاذ أو الهوية وكلمة المرور. الرسوم 100 ريال للتسجيل المبكر، والتسجيل المتأخر يفتح من 1 نوفمبر ورسومه 150 ريال. التسجيل فتح 14 سبتمبر للطلاب و16 سبتمبر للطالبات.
| البند | المعلومة |
|---|---|
| موعد الاختبار | 10 إلى 14 ديسمبر 2026 |
| الرسوم (مبكر) | 100 ريال |
| الرسوم (متأخر) | 150 ريال |
| النتيجة | بعد قرابة شهر |
المصدر: صفحة اختبار القدرات العامة، هيئة تقويم التعليم والتدريب — آخر تحقق 16 نوفمبر 2026
خطوات التسجيل بالتفصيل في التسجيل عبر سديد، ومواعيد الورقي كاملة في اختبار القدرات الورقي 1448.
3. هل أدخل الورقي تجربة؟
لا. لا تدخله «أجرب وأشوف»، اعتبره اختباراً حقيقياً وجهّز له كأنه الاختبار اللي تعتمد عليه. أنا أعرف إن عندك فرصاً (5 فرص في المجموع)، لكن الدخول بلا تجهيز يضيع عليك فرصة كان ممكن تستفيد منها. وإذا تقرر بين الورقي والمحوسب فاقرأ ورقي ولا محوسب؟.
المصدر: صفحة اختبار القدرات العامة، هيئة تقويم التعليم والتدريب — آخر تحقق 16 نوفمبر 2026
4. وش الفرق بين الورقي والمحوسب؟
المحوسب يعطيك القوانين الرياضية، والورقي لا. يعني في الورقي لازم الاختصارات تكون في راسك. هذا سبب إن مذاكرة الاختصارات مو اختيارية للورقي؛ ما فيه شيء تفتحه وتقرأ منه وقت الاختبار.
5. كيف تكون أسئلة الورقي؟
اختبرت الاثنين ورا بعض في 2025. الورقي كان ملخبط: السؤال فيه أكثر من اختصار مع بعض. فتدرّب على الأسئلة المركبة، وما تكتفي بالسؤال المباشر لكل اختصار. الطريقة: بعد ما تثبّت الاختصارات كل واحد لحاله، خذ أسئلة تجمع اختصارين أو ثلاثة، وحاول تعرف من أول قراءة أي اختصار يبدأ أول. هذا اللي يخليك ما تتلخبط لما السؤال يجي بشكل مختلف عن اللي تعوّدت عليه.
6. وش أركز عليه في الورقي؟
من تجربتي في الورقي، هذي المواضيع لازم تكون جاهزة:
- اللفظي: الخطأ السياقي، ركّز عليه.
- الهندسة: مساحات الأشكال، متوازي الأضلاع، وشبه المنحرف، والجزء المظلل.
- الإحصاء: الرسم البياني، قرابة 10 أسئلة منه.
- الجبر والنسبة: اختصار «الاس السالب» واختصار «العامل المشترك» واختصار «الجزء بالـ 10%» واختصار «الأنماط».
وزن الأقسام من الجهة الرسمية للمسار العلمي: لفظي 55% وكمي 45%. طريقة حل قطع الاستيعاب في الورقي تجدها في قطع الاستيعاب في الورقي.
المصدر: صفحة اختبار القدرات العامة، هيئة تقويم التعليم والتدريب — آخر تحقق 16 نوفمبر 2026
7. كيف أحاكي قاعة الورقي في البيت؟
حل اختباراً كاملاً بنفس الوقت الحقيقي: ساعتان و5 دقائق، بورقة وقلم، بدون آلة حاسبة. بعده رجّع كل غلطة لاختصارها. وانتبه للوقت: في المذاكرة ممكن تعطي السؤال 5 دقائق، لكن في القاعة تقريباً دقيقة للسؤال. أول مرة مخك بينفجر، فكرر المحاكاة.
المصدر: صفحة اختبار القدرات العامة، هيئة تقويم التعليم والتدريب — آخر تحقق 16 نوفمبر 2026
الخلاصة
- تأكد إنك مؤهل للورقي (ثالث ثانوي أو خريج).
- سجل من سديد، وراقب موعد التسجيل المتأخر.
- لا تدخله تجربة.
- الاختصارات لازم تكون في راسك، لأن الورقي ما يعطيك القوانين.
- تدرّب على الأسئلة المركبة.
- ركّز على الخطأ السياقي ومساحات الأشكال والرسم البياني.
- حاكِ القاعة بنفس الوقت وبورقة وقلم.
الخطوة الجاية
عشان تعرف من وين تبدأ، سوّ الاختبار القصير وخذ خطتك. ومخيم القدرات في 30 يوم يمشي معك بالاختصارات والتدريب والتسخين خطوة بخطوة، لو تبغى تمشيها مع أحد.
- ليلة اختبار القدرات: وش أسوي إذا اختباري بكرة؟
- كيف جبت 100 في القدرات مرتين
- قطع الاستيعاب في الورقي
- مخيم القدرات
أسئلة شائعة
متى الاختبار الورقي 1448؟
من 10 إلى 14 ديسمبر 2026.
كم رسوم الورقي؟
100 ريال للتسجيل المبكر و150 ريال للتسجيل المتأخر، وهو يبدأ من 1 نوفمبر.
مين يحق له يختبر الورقي؟
حالياً الورقي لطلاب ثالث ثانوي والخريجين، وثاني ثانوي محوسب فقط.
ورقي ولا محوسب، وش الفرق عملياً؟
المحوسب يعطيك القوانين الرياضية، والورقي لا، فلازم الاختصارات تكون في راسك. وأسئلة الورقي أحياناً مركبة وفيها أكثر من اختصار.
كم أحتاج للمحاكاة في البيت؟
حل اختباراً كاملاً بنفس وقت الاختبار الحقيقي، ساعتان و5 دقائق، بورقة وقلم، وبعده رجّع كل غلطة لاختصارها.