مخيم القدرات

أدلة القدرات

كم مرة أراجع اختصارات القدرات حتى ما أنساها؟

راجع الاختصار بعد 3 أيام ثم 7 ثم 10 بأسئلة بدون النظر للشرح. جدول المراجعة 3-7-10 مع مثال على أسبوعين.

راجع كل اختصار 3 مرات: بعد 3 أيام، ثم بعد 7 أيام، ثم بعد 10 أيام من أول مذاكرة. وفي كل مرة حل أسئلة بدون ما تفتح الشرح، لأن الحل من الذاكرة هو اللي يثبت.

ليش 3 و7 و10؟

النسيان أسرع في الأيام الأولى، فالمراجعة الأولى تجي قريبة، والباقي توسع. هذي طريقتي، وأسميها «الذاكرة القدراتية»، وهي مجربة معي ومع طلابي، مو رقم رسمي من الهيئة.

وش أسوي في كل مراجعة؟

المراجعةمتىالمطلوب
الأولىبعد 3 أيام3 أسئلة بدون ما تفتح الشرح
الثانيةبعد 7 أيامأسئلة أصعب، وارجع لأي غلطة
الثالثةبعد 10 أيامحل بالوقت للتأكد من السرعة

الأهم إنك تكتب الخطوات من راسك أول، وبعدين تقارن بالشرح. لو نسيت خطوة، علّم عليها وكررها.

مثال على جدول أسبوعين

ذاكرت اختصار «حرب الكسور» يوم السبت:

وكل يوم تدخل موضوعاً جديداً، فيومك فيه جديد ومراجعتان أو ثلاث. ما تراجع الكل في يوم واحد.

وش أسوي لو نسيت؟

لو راجعت واكتشفت إنك نسيت الاختصار كله، رجّع له المذاكرة من الأول وابدأ عدّ 3-7-10 من جديد. وإذا انقطعت أكثر من شهر، ابدأ التأسيس من الأول بدل ما تحاول ترقّع.

الغلطة الشائعة

تراجع بالقراءة. قراءة الشرح تعطيك إحساس «أنا أعرف»، والمراجعة الفعلية هي حل سؤال بدون ما تنظر. اللي ما حليته من راسك ما راجعته.

كيف أعرف إني ثبّت الاختصار؟

اختبر نفسك بثلاثة أسئلة: تحل سؤالاً جديداً من نفس النوع بدون شرح، وتشرح الخطوات بصوت عالٍ، وتحله بالوقت. لو نجحت في الثلاثة بعد المراجعة الثالثة، الاختصار ثبت وتنقله لقائمة «مراجعة خفيفة» مرة كل أسبوعين. ولو فشلت في واحد، أعد دورة 3-7-10 لهذا الاختصار وحده، وما تعيد الباقي.

الخطوة الجاية

اقرأ طريقة المراجعة كاملة في النسيان والمراجعة، واختر اختصارك من أي اختصار لأي سؤال أو من مكتبة الاختصارات.

أسئلة شائعة

كم مرة أراجع؟

3 مرات: بعد 3 أيام، ثم 7 أيام، ثم 10 أيام من المذاكرة.

وش أسوي في كل مراجعة؟

حل أسئلة على الاختصار بدون ما تفتح الشرح، وارجع للغلطات.

هل أراجع كل شيء كل يوم؟

لا، راجع اللي حل موعده وأضف موضوع جديد.

اقرأ أيضاً