مخيم القدرات

مقارنات واختيار الدورة

دورة اختصارات القدرات: وش الاختصار فعلاً وكيف تفحص الدورة؟

الاختصار طريقة حل سريعة لعائلة أسئلة كاملة، مو حيلة ولا جواب محفوظ. كيف تفحص أي دورة اختصارات بتغيير رقم واحد، ووين تلقى الاختصارات مجاناً.

دورة الاختصارات اللي تستاهل تعلمك طريقة حل سريعة لكل عائلة أسئلة: تعرف العائلة من شكل السؤال، وتطبق نفس الخطوات حتى لو تغيرت الأرقام. مو حيل، ومو أجوبة محفوظة. تفحصها بثلاث أشياء: هل كل اختصار مربوط بنوع سؤال واضح، هل يشرح ليش يشتغل، وهل تتدرب عليه بالوقت لين يصير يطلع منك بدون تفكير.

للإفصاح: أنا أحمد حجازي، مؤسس اختصارات القدرات، فخذ كلامي كرأي واحد وقارن بنفسك.

وش هو الاختصار؟ ووش اللي مو اختصار؟

أسئلة القدرات ترجع على شكل عائلات: نفس الفكرة، بأرقام جديدة وصياغة مختلفة. الاختصار هو الطريقة الأسرع لحل العائلة كلها. مثال: «عمال يخلصون شغل في عدد أيام، كم يوم لو زاد عددهم؟». الشغل الكلي ثابت، فتضرب العمال في الأيام وتقسم على العدد الجديد. 4 عمال في 6 أيام يعني 24، فـ8 عمال يخلصونه في 3 أيام. تغير الأرقام، والخطوات نفسها.

وهذي أشياء تنباع باسم «اختصارات» وهي مو كذا:

الاختصار الحقيقي يجي معه سطر يقول لك متى تستخدمه. بدون هالسطر، أنت عندك أداة وما تدري على أي سؤال تطلعها. وهذي أكثر غلطة أشوفها، وكتبت عنها في أي اختصار لأي سؤال.

كيف تفحص دورة اختصارات قبل ما تدفع؟

ما تحتاج تشترك عشان تفحصها. خذ أي شرح مجاني من الدورة نفسها وسوّ هالخمس:

الفحصكيف تسويهعلامة الخطر
تغيير الرقمخذ سؤال من شرحهم، غير رقم واحد، وحله بنفس الطريقةالطريقة ما تشتغل على الرقم الجديد
متى أستخدمهشوف هل يقول لك نوع السؤال اللي يناسب الاختصاريشرح الحل بدون ما يسمي العائلة
ليش يشتغلاسأل نفسك: تقدر تشرح الفكرة بجملة لأحد ثاني؟خطوات تحفظها بدون أي سبب
التدريب المختلطدور على أسئلة مخلوطة لازم تختار فيها الاختصار بنفسككل التدريب مرتب تحت عنوان الاختصار
اللفظيشوف هل فيه طرق للتناظر والاستيعاب، مو كمي بساللفظي كله «اقرأ كثير»

لو طاحت في اثنين من الخمسة، الدورة تعلمك حلول أسئلة، مو اختصارات.

الأشكال اللي بتلاقيها

خريطة الاختصارات على مجالات الاختبار

الهيئة تقسم الكمي إلى حساب وهندسة وجبر وتحليل بيانات، وللمسار العلمي والعام الأوزان كذا: حساب 23%، هندسة 10%، جبر 4%، بيانات 8%، واللفظي 55%. يعني الحساب لحاله أثقل من الباقي مع بعض. فهذي عائلات الاختصارات اللي في المكتبة المجانية، مرتبة على المجالات:

المجال الرسميعائلات الاختصاراتوش توفر عليك
الحسابالعمليات الحسابية، الكسور، النسبة والتناسب، الأسس، الجذور، السرعةضرب وقسمة طويلة في رأسك بدل الورقة
الجبرالمعادلات، المتتابعاتتعوض الخيارات بدل ما تحل المعادلة كاملة
الهندسةالزوايا، المثلث، الدائرة، الرباعياتعلاقات جاهزة بدل الإثبات
تحليل البياناتالإحصاء والرسم البيانيتقرأ الرسم وتقارن بدون حساب كل رقم
اللفظيالتناظر، الاستيعاب، الإكمال والخطأ والشاذةتحدد العلاقة أو مكان الجواب قبل ما تقرأ كل شي

المصدر: صفحة اختبار القدرات العامة، هيئة تقويم التعليم والتدريب — آخر تحقق 16 نوفمبر 2026

كل العائلات في صفحة وحدة: اختصارات القدرات كاملة. ولو الشرح المكتوب ما وصلك، في الموسوعة فيديو قصير لكل اختصار، وطريقة استخدامها مع المدونة في موسوعة الاختصارات.

وين يجي «مخيم القدرات»؟

اسم القناة والبراند «اختصارات القدرات» جا من هنا. درجتي كطالب كانت 97 بمذاكرة شهر، وبعدها لما صرت مدرس جبت 100 مرتين في ديسمبر 2024، ورقي ومحوسب، وفي ديسمبر 2025 جبت 100 في الكمي لحاله، وكل هذا بنفس الاختصارات اللي أشرحها. القصة في كيف جبت 100.

مخيم القدرات فيه 91 اختصار، كل واحد مشروح على العائلة اللي يحلها، وبعدها تتدرب على أكثر من 1,500 من الأسئلة الأكثر تكرار، و«الخوارزمي» يختار لك الأسئلة على قد مستواك، والآخر اختبارات محاكية كاملة تخلط كل شي. الخطة 30 يوم من ليفل 1، ومعها 12 ورشة لايف معي تنسجل. والسعر حالياً 399 ريال، وتشوفه محدث في صفحة المخيم.

من الدرجات اللي أرسلها لي المشتركين بأنفسهم في التجارب المنشورة: 512 شخص ذكروا درجتهم الأخيرة، الوسيط فيهم 90، و124 منهم 95 وفوق، و32 جابوا 100. هذي مو نسبة نجاح، هي درجات وصلتني منهم. ومن القصص: وسام من 70 إلى 92، مصطفى من 77 إلى 91، جواد من 83 إلى 92.

لمين ما يناسب؟

ابدأ مجاناً: نزّل كتاب الاختصارات، واختار عائلة وحدة من الجدول، وطبق عليها فحص تغيير الرقم بنفسك.

أسئلة شائعة

وش الفرق بين الاختصار والحيلة في القدرات؟

الحيلة تشتغل على سؤال واحد شفته قبل، والاختصار خطوات ثابتة تحل كل سؤال من نفس العائلة حتى لو تغيرت الأرقام والصياغة.

هل الاختصارات تغني عن فهم الرياضيات؟

لا. الاختصار مبني على فكرة بسيطة لازم تفهمها، وهو يوفر عليك خطوات المدرسة الطويلة. لو الضرب والكسور عندك ضعيفة، ابدأ بالأساس والاختصارات تمشي معه.

كم اختصار أحتاج أعرف عشان أرفع درجتي؟

العدد مو اللي يحسم. اللي يحسم إنك تعرف أي اختصار يناسب السؤال اللي قدامك في ثواني. في مخيم القدرات أشرح 91 اختصار، والمكتبة المجانية فيها عائلات الاختصارات بخطواتها.

هل فيه اختصارات للفظي؟

إيه. في التناظر والاستيعاب والإكمال والخطأ السياقي فيه خطوات ثابتة تحدد فيها العلاقة أو مكان الجواب بسرعة، بس اللفظي يحتاج معها قراءة يومية وكلمات.

وين ألقى اختصارات القدرات مجاناً؟

في مكتبة الاختصارات على المدونة كل عائلة بخطواتها ومثال محلول، وفي موسوعة الاختصارات فيديو قصير لكل اختصار، والكتاب المجاني يجمعها في ملف واحد.

اقرأ أيضاً