مخيم القدرات

مقارنات واختيار الدورة

دورة تأسيس قدرات ولا تدريب؟ شخّص أخطاءك قبل ما تختار

التأسيس لمن أخطاؤه من أفكار ما يعرفها، والتدريب لمن يعرف الطريقة ويطيح بالوقت. فحص مجاني لمستواك، وقاعدة قرار حسب درجتك، والترتيب اللي يشتغل.

لو أغلب أخطائك أسئلة ما تعرف من وين تبدأ فيها، أنت تحتاج تأسيس. ولو تعرف الطريقة وتطيح بالوقت أو بالاستعجال، أنت تحتاج تدريب. وأغلب الناس يحتاجون الاثنين بترتيب: تأسيس للمواضيع الضعيفة بس، وبعده تدريب بالوقت. اللي يحسم: نوع أخطائك، درجتك اليوم، وكم يوم باقي على اختبارك.

للإفصاح: أنا أحمد حجازي، مؤسس اختصارات القدرات، فخذ كلامي كرأي واحد وقارن بنفسك.

وش الفرق بين دورة التأسيس ودورة التدريب؟

دورة التأسيس تبني الأفكار: الضرب والقسمة السريعة، الكسور، النسبة، وكيف تتعرف على عائلة السؤال وتطبق طريقتها. وفي اللفظي: وش العلاقات في التناظر، وكيف تلقى مكان الجواب في القطعة. تقيسها بسؤال واحد: بعدها، تقدر تحل سؤال جديد من نفس النوع بدون ما ترجع للشرح؟

دورة التدريب تفترض إن الفكرة عندك، وشغلها كمية وسرعة: أسئلة مختلطة، أقسام بالوقت، اختبارات محاكية، ومراجعة الأخطاء. تقيسها بالوقت: هل صرت تخلص القسم وعندك دقيقة زيادة؟

والغلطتين اللي أشوفها كثير عكس بعض. وحدة: واحد يبدأ يحل آلاف الأسئلة وهو ما يعرف الفكرة، فيصير يحفظ أجوبة. والثانية: واحد يتأسس شهرين ويعيد الشرح مرة ومرتين، وما حل قسم كامل بالوقت ولا مرة، فيتفاجأ يوم الاختبار.

شخّص نفسك في نص ساعة

  1. خذ قياس. سوّ اختبار المستوى المجاني، أو حل نموذج كامل بالوقت، أو استخدم درجة اختبار حقيقي لو عندك.
  2. صنف كل غلطة في واحد من ثلاث صناديق: «ما عرفت الفكرة»، «عرفتها بس أخذت وقت»، «سهو في شي أعرفه».
  3. عد الصناديق. الصندوق الأكبر هو اللي يقول لك وش تشتري.

وعشان تفهم درجتك: حسب الهيئة، 65 هي المتوسط، و60 وأقل يعني أدنى 30% من المختبرين، و81 وفوق يعني أعلى 5%.

المصدر: صفحة اختبار القدرات العامة، هيئة تقويم التعليم والتدريب — آخر تحقق 16 نوفمبر 2026

قاعدة القرار: درجتك ونوع أخطائك

اللي طلع معكوش تحتاجمن وين تبدأ
تحت 65، أو أكثر من نص أخطاءك «ما عرفت الفكرة»تأسيس كامل قبل أي كمية أسئلةالأساسيات في 8 ساعات، وبعدها موضوع موضوع
من 65 إلى 79، والأخطاء متوزعةتأسيس موضعي ومعه تدريبأسس العائلات اللي تتكرر غلطتك فيها، وتدرب على الباقي بالوقت
80 وفوق، وأغلب أخطاءك وقت أو سهوتدريب ومحاكاةأسئلة الورقي السابقة واختبارات كاملة بالوقت
أي درجة، وباقي أقل من أسبوعينلا تبدأ تأسيس شاملثبت أسهل العائلات وحل محاكاة، وأجّل الأساس الكامل لمحاولة جاية

والحدود في الجدول تقريبية، مو قانون. لو درجتك 78 وأغلب أخطاءك «ما عرفت الفكرة»، الصندوق يغلب الرقم.

وش الأشكال اللي قدامك؟

الترتيب اللي يشتغل

  1. تشخيص بالصناديق الثلاث.
  2. تأسيس للصندوق الأول بس، مو لكل المنهج.
  3. تدريب موضوع موضوع لين تحل بدون شرح.
  4. أسئلة مختلطة تختار فيها الطريقة بنفسك.
  5. اختبارات محاكية كاملة بالوقت.
  6. كل غلطة ترجعك للخطوة 2 في موضوعها بس.

وين يجي «مخيم القدرات»؟

مخيم القدرات يمشي على هالترتيب نفسه. الخطة 30 يوم وتبدأ من ليفل 1، يعني فيها التأسيس: 91 اختصار مشروحة على عائلاتها، و12 ورشة لايف معي تنسجل. وبعدها تدريب على أكثر من 1,500 من الأسئلة الأكثر تكرار مع «الخوارزمي» اللي يختار لك الأسئلة على قد مستواك، وجلسات مراجعة، واختبارات محاكية كاملة. السعر حالياً 399 ريال، والمحدث دايم في صفحة المخيم.

من الدرجات اللي أرسلها لي المشتركين بأنفسهم، الفرق بين البدايتين واضح:

هذي مو نسبة نجاح، هي درجات أرسلوها هم. ومن الجهتين: علي من 69 إلى 93 وغلا من 70 إلى 99، وتهليل من 86 إلى 97 ومحمد من 87 إلى 99.

درجتي كطالب كانت 97 بمذاكرة شهر، وبعدها لما صرت مدرس جبت 100 مرتين في ديسمبر 2024، ورقي ومحوسب، ووصلت لها بنفس الترتيب: تأسيس بالاختصارات أول، بعده تدريب مرتب، وآخر شي تسخين لجو القاعة. التفاصيل في كيف جبت 100.

لمين المخيم ما يناسب؟

خطوتك الجاية بسيطة: سوّ اختبار المستوى، وصنف أخطاءك، وخل الصندوق الأكبر يختار لك.

أسئلة شائعة

كيف أعرف إني أحتاج تأسيس في القدرات؟

حل نموذج كامل أو اختبار مستوى، وصنف كل غلطة: لو أغلبها «ما عرفت من وين أبدأ» تحتاج تأسيس، ولو أغلبها «عرفت بس خلص الوقت أو استعجلت» تحتاج تدريب.

هل أقدر أبدأ بالتدريب على الأسئلة بدون تأسيس؟

تقدر، بس كل سؤال ما تعرف فكرته يصير تخمين أو حفظ، والحفظ يطيح لما تتغير الأرقام. التدريب يثبت طريقة عندك، ما يبنيها من الصفر.

كم ياخذ تأسيس القدرات؟

يعتمد على نقطة بدايتك. فيديو الأساسيات المجاني عندي حوالي 8 ساعات، وبعده تحتاج أيام تطبق فيها على كل موضوع قبل ما تنتقل للتدريب بالوقت.

درجتي فوق 80، أحتاج دورة تأسيس؟

غالباً لا كدورة كاملة. تحتاج تأسيس في عائلة أو اثنتين تتكرر فيها غلطتك، والباقي تدريب بالوقت واختبارات محاكية مع مراجعة كل غلطة.

وش الترتيب الصح بين التأسيس والتدريب؟

تشخيص، ثم تأسيس للمواضيع الضعيفة بس، ثم تدريب موضوع موضوع، ثم أسئلة مختلطة، ثم اختبارات محاكية كاملة، وكل غلطة ترجعك لموضوعها.

اقرأ أيضاً