مخيم تأسيس القدرات في ١٤ يوم

معظمنا لما يبدأ مذاكرة القدرات يضيع أشهر في التشتت بين الكتب والتجميعات وبرضو ما يجيب الدرجة اللي يبغاها ويحتاج احد يكون معاه خطوة بخطوة ويأسسه صح عشان كدا جهزت لك المخيم اللي اخذ مني ٦ اشهر عمل عشان اساعدك توفر وقتك ومجهودك.

تحديات جماعية تشحن طاقتك

وعشان ما تطفش من طرق التدرب التقليدية حرسلك كويزات مبنية بتقنية تدريب جماعي وتفاعلي اللي حتحمسك تكرف.. لأنك حتكون في تحدي مع باقي المشتركين وراح اعلن عن اقوى ١٠ متحدين.. وكمان حتساعدك تتعود على تطبيق الاختصارات ونمط اسئلة الاختبار.

بنك تدريبات تثبت الاساسيات

كتير بيعاني من مشكلة النسيان او انه لما تيجي تحل بنفسك تحس انه كل شئ قاعد يدخل ببعض ولانه افضل طريقة للتثبيت هي التدرب فجهزت لك اقوى “بنك تدريبات تثبت لك الاختصارات”وما حسيبك تنط في البحر لوحدك وتتعقد ، فحكون معاك بس تجاوب غلط حتلاقي يظهر لك فيديو يوضح لك فكرة السؤال والخطوات بالزبط عشان تتعلم من اخطائك وترفع درجتك

خدمة واتساب التغشيش

وإذا كان في اسئلة صعبة ما عرفت تحلها أو مو عارف ايش الاختصار حقها فحكون معاك ١٦ ساعة في اليوم من خلال خدمة واتساب التغشيش اللي حجاوب فيها على أي سؤال ليك وحقلك خطوات حله بالتفصيل.. وكمان ححفزك تستمر الين ما تختم المخيم معاي.

الحقيبة الرقمية لقبل الاختبار

وعشان ما تضيع وقت كبير وانت تدور على اختصار معين وانت تذاكر وما تتأزم ليلة اختبارك وأنت تشوف كل الورش عشان تراجع الاختصارات والاسئلة.. جمعت أهم الاختصارات والاسئلة الاكثر تكرارًا وزبطت لك "اختبار محاكي لاختبار القدرات".. كل ذا في حقيبة رقمية حتكون مرجع ليك وقت تجهيزك للاختبار.

ورشة عمل: كيف تختم رحلتك للقدرات؟

خلال المخيم حكون معاك الين ما تتأسس صح.. طيب كيف تكمل رحلتك في القدرات وكيف تضمن درجة فوق الـ ٩٠؟ راح اجاوب على كل هذي الأسئلة في ورشة عمل: كيف تختم رحلتك للقدرات؟ اللي حتكون بعد نهاية المخيم وحشاركك فيها خلاصة معاناني للدرجة ٩٧.

أداة تهكير كلمات اللفظي

اكبر مشكلة بالقسم اللفظي هي الكلمات الغريبة اللي بيجيبها القدرات وبتكون اجابتك معتمدة على فهمك لهذي الكلمات ، وعشان تهكر اللفظي عليك تحفظ معاني هذي الكلمات والاهم انه ما تتبخر من مخك ويضيع مجهودك على الفاضي ، عشان كدا جهزت لك بالمخيم أهم الكلمات اللي تتكرر بالاختبار وصممتها ليك بطريقة كروت تثبيت الكلمات هذي الطريقة تخلي مخك يتساءل ايش معنى الكلمة ويتعلمها اسرع .

٣ جوائز قيمة تحفزك تستمر

وعشان تتحفز وتستمر الين نهاية المخيم ويكون في منافسة وتحدي بين المشتركين، جهزت ٣ جوائز رهيبة لأقوى ٣ مخيمين حسب درجاتهم في كل الكويزات.